Prej disa javësh në rrjet po qarkullonin zëra se aktori i njohur Olsi Bylyku dhe partnerja e tij Egli Tako janë ndarë.
Mirëpo Olsi ndryshe nga herët e tjera mori pjesë i vetëm në dasmën e Elgit Dodës dhe Klea Hutës, e teksa me këtë veprim dukej se ai konfirmoi ndarjen me këngëtaren.
Gjatë ceremonisë martesore së çiftit të njohur, u intervistuan shumë personzhe Vip, ku ndër ta ishte edhe Olsi.
I pyetur nga gazetarja se kur do të martohet, aktori i habiti me përgjigjen e tij se së shpejti edhe ai do të bëjë një dasmë.
“Shpresoj ta kem edhe unë sa më shpejt. Sot nuk u bë ajo hedhja e luleve, se mezi isha duke e prit që ta kap. Është pastaj te dasma. Do luftoj që t’i kap lulet dhe t’ia arrij që të bëjmë edhe ne një dasëm.”– tha Olsi.
Ndërsa aktori i humorit nuk la pa përmendur as çiftin që po kurorëzonin dashurinë e tyre me martesë, për të cilët tha se ai është shumë i lumtur për të gjitha gjërat që ata kanë arritur në jetë.
“Jam shumë i lumtur sot për gjithë karrierën që kanë ndërtu, për familjen që e kanë mbajtë aq mirë në balancë dhe më në fund e realizuan kaq bukur me miqtë e tyre”, u shpreh aktori.
Panorama online
